ietf

dtd html

en

3.0"> Transcriptie van de latijnse brief Letter from George Macropedius to Cornelius Valerius van Oudewater in Louvain; Utrecht, May 9, 1549.

Doctissimo Viro M. Cornelio Veteraquario seu Traiectone amico singularj Lovanij in edibus Doct. Lamberti Verharij

Salue. Jam binas abs te, mi Corneli doctissime, litteras accepi,
quibus animi tui candorem satis superque nobis declarasti; ego autem
vix vnis propter vehemens podagrae et chiragrae incommodum
et cruciatum respondere possum. Gaudeo inprimis quod res tuae in melius-
culo statu sunt positae, et quod in Galiis minus prospere successit,
nunc uberiori foenore compensatur. Quod autem ad rem nostram schola-
sticum attinet, paucis accipe. Auditorium est frequens, et frequentius quam
unquam hactenus. Praeceptores diligentes, et gnauiter suis erudiendis
intenti. Bacchaeus, nescio an satis prudenter, in Italiam concessit;
at in locum eius, nescio quo malo fato, nondum alius suffectus est.
Locauerunt nobis duo viri, utique doctissimi, operam suam, alter post
alterum, ante Pascha; et cum expectaremus utrumque certo die aduen-
turum, meliorem fortassis conditionem nactus, neuter comparuit.
Cogimur igitur illos obtulerunt, et propter alios conductos posthabitj
sunt. Amici utriusque nostrum communes valent, et te plurimum salu-
tant. Ego autem arthritidis incommodo usque adeo discrucior, ut neque
stare, neque incedere queam, nisi scipione nixus. Si credimus
medicis, hic annus mihi climactericus parum commodj promittit. Do-
mini vuluntas fiat. Nannius ita aliorum salutationibus distrin-
gitur, et ennarandis mihi rebus Bruxellae gestis vacare non
queat. Musae nostrae iam mecum languent, steriles, et nihil partu-
rientes, aliquid editurae ante Pascha, nisi carnificina mea arthri-
tis partui obstitisset. Vale, vir doctissime. Ex Traiecto, 9. Maij,

Tuius nunc Oidipodès Macropedios.